ज्योतिष भविष्यवाणी मेडिया प्रा.लि.द्धारा पहिलो पटक ज्योतिष वैज्ञानिक उपचार तालिम

डा. सन्तोष उपाध्याय रेग्मी/डा. प्रदीप रेग्मी/डा. मधु रेग्मी

ज्योतिष भविष्यवाणी मेडिया प्रा.लि. पोखरा–२ बाट अतिथि प्रशिक्षककारुपमा कास्की जिल्लाको पोखरा झाँझरमारेस्थित जनज्योति माध्यमिक विद्यालय अर्घौं कालिकामा एकदिने ज्योतिष वैज्ञानिक उपचार पद्धतिबारे प्रशिक्षण कार्यक्रम दिइएको छ ।

यस संस्थाका संस्थापक अध्यक्ष एवम् jbweekly.com का प्रधानसम्पादक÷वरिष्ठ ज्योतिष भविष्यवक्ता प्रा.डा. बलराम उपाध्याय रेग्मीद्धारा दिइएको तालिममा तान्त्रिक मन्त्र पद्धतिमा आधारित उपचारका बारेमा विस्तृत जानकारी दिइएको थियो । कार्यक्रममा पोखरा महानगरपालिकाको सहकार्य रहेको थियो ।

स्व. ज्यो.पं. मनोहरि त्रिपाठीका नाममा स्थापित संस्थाकातर्फबाट प्राप्त निमन्त्रणाको आधारमा अतिथिकारुपमा सहभागी भई दिइएको प्रशिक्षणमा करिब २२ जना छात्र–छात्राको सहभागिता रहेको थियो । महिलातर्फ सोनिका त्रिपाठी, सोविता पौडेल र अन्य सम्पूर्ण पुरुष सहभागी रहेको सभाहल खचाखच भरिएको थियो । उमेरको १६ वर्षदेखि ७० वर्षसम्मका ज्योतिष जिज्ञासुहरुको सहभागिता रहेको थियो ।